Набыццё калекцыі стала папаўненнем страт, панесеных культурай Беларусі, а таксама павышэннем нацыянальнай самасвядомасці і прэстыжу дзяржавы, расказвае «Полымя». Сярод партрэтуемых – выбітныя палітычныя і культурныя дзеячы, вядомыя ваеначальнікі, мецэнаты. З агульнай колькасці 12 персанажаў да гэтага часу не былі прадстаўлены ў музейных зборах Беларусі. Гэта такія асобы, як князь Мікалай Крыштаф Радзівіл Сіротка, Францішка Уршуля Радзівіл, Мікалай Радзівіл Стары і іншыя.
З’яўленне партрэтаў у музеі дазволіла сказаць новае слова ў тэме вывучэння гісторыі не толькі роду Радзівілаў і Вітгенштэйнаў, але і ў цэлым Мірскага замка.
Пасля набыцця партрэтаў паўстала пытанне іх рэстаўрацыі. Для вызначэння выканаўцы рэстаўрацыйных работ былі праведзены працэдуры дзяржаўных закупак, а для аплаты прыцягнуты сродкі рэспубліканскага бюджэту. Рэстаўрацыяй партрэтаў займаліся спецыялісты такіх арганізацый, як АДА «Басталія» і ўстанова «Нацыянальны мастацкі музей Рэспублікі Беларусь». На працягу чатырох гадоў спецыялістамі згаданых устаноў вялася карпатлівая праца па аднаўленні мастацкіх твораў. Якасць выканання рэстаўрацыйных работ у большай ступені залежала ад прафесіяналізму і вопыту цэлай каманды рэстаўратараў, якія ўдыхнулі новае жыццё ў шэдэўры мастацтва. Асноўныя праблемы, з якімі давялося сутыкнуцца рэстаўратарам, гэта не толькі адслаенне і сколы фарбы, лаку, забруджванні, але і правісанне і разрывы палатна, парушэнні грунту. Усе гэтыя пашкоджанні не толькі псавалі знешні выгляд работ, але і пагражалі поўнай стратай каштоўнасці партрэтаў у далейшым.
Шлях ад выяўлення калекцыі да завяршэння яе рэстаўрацыі раскрыў патэнцыял музея ў новым накірунку па ўзбагачэнні экспазіцыі новымі экспанатамі і наладжванні кантактаў на міжнародным узроўні.
polymia.by
Оперативные и актуальные новости Волковыска и района в нашем Telegram-канале. Подписывайтесь по ссылке!
Правила использования материалов "Наш час" читайте здесь.