На пляцоўцы каля бібліятэкі размясціліся выставачныя паліцы з кніжкамі-лічылкамі, гукавымі кніжкамі і настольнымі гульнямі. Тут жа дзеці маглі паглядзець мульцікі, памаляваць крэйдай на асфальце або алоўкам на паперы, паспаборнічаць у гульні «Дартс», праявіць свой спрыт пры выбіванні кегляў і ў іншых конкурсах на свежым паветры.

Бібліятэкары Наталля Лышчык і Маргарыта Губаева праводзілі з дзецьмі віктарыны, пазнавальныя конкурсы, літаратурныя гульні, з дапамогай якіх імкнуліся далучыць дзяцей да кнігі і чытання. На памяць маленькія госці атрымалі маляўнічыя каляндарыкі з запрашэннем наведваць бібліятэку, ну і, вядома, добры настрой і прыемныя ўражанні.

Іншыя бібліятэчныя ўстановы таксама не забылі пра маленькіх чытачоў. У Ізабелінскай сельскай бібліятэцы ім была прапанавана гульнёва-пазнавальная праграма «Пусть будет мирным небо над землей, пусть детство звонкое смеется», у Падароскай — праграма «Мы, маленькие дети, — счастливей всех на свете», а ў Войткавіцкай — конкурс малюнкаў «Святло дзяцінства залатое».

Надзея Гудко, загадчык аддзела маркетынгу Ваўкавыскай раённай бібліятэкі