Дазвольце ж, паважаныя чытачы, яшчэ раз нагадаць вам аб неабходнасці выканаць свой грамадзянскі (ці грамадскі?) абавязак (ці абавязацельства?). Не будзьце абыякавымі (ці абы-якімі?) у адносінах да такой важнай для нашай Радзімы і нас з вамі падзеі, як рэспубліканскі рэферэндум па ўнясенні зменаў і дапаўненняў у Канстытуцыю Рэспублікі Беларусь.
АДЧУЙ РОЗНІЦУ
Грамадскі (рус. общественный)
- Які мае адносіны да жыцця грамадства, узнікае ў грамадстве. Ці могуць асабістыя пачуцці быць важней за грамадскую думку?
- Які належыць усяму грамадству, прызнаны для агульнага карыстання; калектыўны. А між тым гэта — грамадскае дабро.
Я. Колас. - Звязаны з работай па добраахвотным абслугоўванні палітычных, культурных, прафесійных патрэб калектыву. Ён і пальцам не паварушыць дзеля грамадскай справы.
Грамадзянскі (рус. гражданский)
- Які мае адносіны да прававога становішча грамадзян у дзяржаве. Актыўная грамадзянская пазіцыя — справа не абыякавых людзей.
- Неваенны, цывільны. Адным словам, звяртайцеся да грамадзянскіх улад.
М. Лобан.
Грамадзянская вайна (рус. гражданская война). Аднойчы мы ўзгаварыліся
пра грамадзянскую вайну.
Я. Скрыган.
Абавязак (рус. долг, обязанность) — тое, што патрэбна выканаць у адпаведнасці з грамадскімі ці асабістымі патрабаваннямі. Ніколі толькі не забудзь сваіх высокіх абавязкаў.
П. Глебка.
Абавязацельства
(рус. обязательство) — абяцанне, дагавор, абавязковыя для выканання. Прапісаныя абавязацельствы абавязковыя для выкананння.
(рус. долговое обязательство) — грашовы пазыковы дакумент. Я маю ваша пісьмовае абавязацельства аб своечасовым звароце грошай.
Абыякавы (рус. безразличный, равнодушный; безучастный, бесстрастный) — які не выяўляе ніякай цікавасці да каго-небудзь, чаго-небудзь або да навакольнага асяроддзя. Той, хто адкрые для сябе Багдановіча, — той ужо не зможа заставацца абыякавым до радзімы паэта.
Н. Гілевіч.
Абы-які (рус. какой-нибудь, какой угодно, какой ни на есть, лишь бы какой) — які-небудзь, які папала. Настаўніца сапраўды здзівілася, калі гультаяваты вучань паклаў на стол гатовае ды яшчэ і не абы-якое сачыненне.
Оперативные и актуальные новости Волковыска и района в нашем Telegram-канале. Подписывайтесь по ссылке!
Правила использования материалов "Наш час" читайте здесь.