Понедельник, 10 Сентября 2018 11:28

Ліда адсвяткавала Дзень горада і фестываль LIDBEER

Автор
"Твае гады, твае стагоддзі – на славу будучых вякоў" – пад такой назвай прайшла ўрачыстая частка святкавання 695-годдзя горада Ліды.

Мерапрыемства адбылося на цэнтральнай плошчы горада па вуліцы Савецкай. Удзельнікамі і гледачамі свята сталі не толькі лідчане, але і шматлікія госці. Сярод іх намеснік Кіраўніка Адміністрацыі Прэзідэнта Рэспублікі Беларусь Валерый Міцкевіч, першы намеснік старшыні Гродзенскага аблвыканкама Іван Жук, намеснік старшыні Гродзенскага аблвыканкама Віктар Лісковіч, дэпутат Палаты прадстаўнікоў Нацыянальнага сходу Рэспублікі Беларусь Андрэй Наумовіч. Павіншаваць горад са святам таксама прыехалі пасол Рэспублікі Польшча і консул Літоўскай Рэспублікі, прадстаўнікі гарадоў-пабрацімаў Тракая, Екабпілса, Шальчынінкая і іншыя.

З нагоды юбілею наш горад у гэтыя дні наведвала многа высокіх гасцей. У іх ліку — новы Надзвычайны і Паўнамоцны пасол Рэспублікі Польша ў Рэспубліцы Беларусь Артур Міхальскі. У Ліду па запрашэнню мясцовых уладаў пасол прыехаў упершыню. Тут  ён быў не толькі ганаровым  госцем свята, але ў рамках паўнамоцтваў наведаў  СТАА “Бел-Пласт Інтэрнешл” і Цэнтр бяспекі МНС.

Пляцоўка каля Лідскай раёнай бібліятэкі імя Я. Купалы ў дзень свята стала месцам сустрэчы сузор’яў яркіх музыкальных талентаў Лідчыны. Тут адбыўся музычны вернісаж.

Яшчэ адзін падарунак гораду ў гонар юбілею, пры падтрымцы Міністэрства культуры Рэспублікі Беларусь і Генеральнага консульства Літоўскай Рэспублікі ў Гродна, зрабіў калектыў гісторыка-мастацкага музея. У адной з яго залаў адкрылася персанальная выстава работ вядомага  літоўскага мастака Раманаса Барысоваса, якога ведаюць у многіх краінах — не толькі ў Расіі і Беларусі, але і ў Германіі, ЗША, Люксембургу, Аўстрыі.

Адным з самых відовішчных мерапрыемстваў у рамках святкавання 695-годдзя Ліды стаў рыцарскі турнір “Меч Лідскага замка”, арганізаваны ДУ “Лідскі раённы цэнтр культуры і народнай творчасці” аддзела культуры Лідскага райвыканкама і народнай студыяй рыцарскіх мастацтваў “Dies Magna”, якая дзейнічае пры названым цэнтры. Жыхары і госці горада, якія ў гэты святочны дзень наведалі замак, змаглі стаць сведкамі і ўдзельнікамі рэканструкцыі яркіх гістарычных падзей, паглядзець на майстэрства конных рыцараў і баі пешых, бліжэй пазнаёміцца з сярэднявечнымі мастацтвамі, акунуцца ў атмасферу сярэднявечча. У пешых турнірах удзельнічалі рыцары з клубаў гістарычнай рэканструкцыі Беларусі і Расіі, конныя прадстаўленні і шоу паказвалі гледачам удзельнікі мінскага конна-гістарычнага клуба “Залатая шпора”, свае забавы для наведвальнікаў замка ладзілі і рэканструктары з клуба “Шатландская пяхота” (Маладзечна).

У аддзеле рамёстваў і традыцыйнай культуры сёння адкрыты выставы традыцыйных рамёстваў Лідчыны. Гасцям нашага горада прапанаваны для азнаямлення вялікая калекцыя ручнікоў, посцілак, прадметаў побыту, вырабы, якія выканалі майстры лідскай зямлі.

У чацвёрты раз Ліда адсвяткавала фестываль хмелю, солада і вады LIDBEER. Як? Гучна, смачна, музычна. Адзін з галоўных момантаў фестывалю хмелю, солада і вады — вялікі гала-канцэрт з удзелам вядомых калектываў. На гэты раз у Лідзе выступілі дзве маладыя беларускія группы «ЧуVство Полета» і «Nizkiz», а таксама больш вядомыя музычныя каманды «Animal DжаZ», «Воплі Відоплясова» і «Ленинград».

lidanews.by

 

Прочитано 1538 раз Печать