- Паважаныя жыхары Ваўкавыскага раёна, прыміце шчырыя віншаванні з адным з галоўных дзяржаўных святаў нашай краіны - Днём народнага адзінства. 87 гадоў назад, 17 верасня 1939 года, перамагла гістарычная справядлівасць - Беларусь аб'ядналася ў сваіх нацыянальных межах.

Згуртаванасць, салідарнасць і бязмежная адданасць роднай зямлі не аднойчы дапамагалі беларусам выстаяць у цяжкія часы, беражліва захоўваць і памнажаць бясцэнны культурны і нацыянальны здабытак,  самааддана працаваць у імя працвітання любімай Беларусі. Сёння наша краіна ўпэўнена ідзе наперад па шляху ўмацавання грамадзянскай супольнасці, эканамічнага і сацыяльнага развіцця.

Усяго гэтага мы дасягнулі разам. Галоўная каштоўнасць нашай дзяржавы - працавітыя, таленавітыя і мэтанакіраваныя людзі. Захаваць і памножыць нашы поспехі мы зможам толькі  калі будзем адзінымі.  Дарагія землякі! Вялікая падзяка ўсім, хто добрасумленна працаваў і працуе на роднай землі, і тым, хто толькі робіць свае першыя крокі на шляху да вялікіх поспехаў і перамог.

Ускладваем вялікія надзеі на нашу моладзь і перакананыя, што павага да мінулага, сапраўдная любоў да Радзімы, пачуццё абавязку і вялікай адказнасці за лёс будучых пакаленняў дапамогуць памножыць гэту бязцэнную спадчыну. Наперадзе нас чакае шмат важных задач і добрых здзяйсненняў. Адзіны шлях да дасягнення пастаўленых мэтаў – гэта сумленная праца кожнага з нас, узаемапавага, здольнасць разумець і падтрымліваць адзін аднаго. Упэўнены, што згуртаванасць і адзінства дапамогуць нам у гэтым. Няхай пад мірным небам растуць нашы дзеці і ўнукі, а ў кожным доме пануюць зразуменне і згода. Добрага здароўя вам і вашым родным, дабрабыту і шчасця.

Шануйце і беражыце адзін аднаго. Міру і працвітання Ваўкавыскай зямлі і нашай любімай Беларусі. Са святам! З Днём народнага адзінства!

А затым сцэна была прадастаўлена артыстам – нашым талентам, творчасць якіх, як  справядліва адзначылі вядучыя, напоўнена патрыятызмам і гонарам за сваю краіну і яе гісторыю. Шчырымі апладысментамі віталі гледачы сваіх любімых выканаўцаў і дзякавалі за выступленні. Увесь канцэрт прагучаў на адным дыханні, склаўшыся ў прыгожы гімн роднай Беларусі.

Фота Iгара Варчыка