Удзел у ёй прымаюць навукоўцы і студэнты Беларускага дзяржаўнага ўніверсітэта, Гродзенскага дзяржаўнага універсітэта імя Янкі Купалы, Гродзенскага дзяржаўнага аграрнага універсітэта, а таксама навуковыя супрацоўнікі Нацыянальнага мастацкага музея Рэспублікі Беларусь і Гродзенскага дзяржаўнага гісторыка-археалагічнага музея. Сярод іх Аляксандр Гаршкоў, дацэнт кафедры гісторыі Беларусі, археалогіі і спецыяльных гістарычных дысцыплін ГрДУ імя Янкі Купалы; Сяргей Піваварчык, прафесар кафедры археалогіі і спецыяльных гістарычных дысцыплін ГрДУ імя Янкі Купалы; Дзмітрый Моніч, вядучы навуковы супрацоўнік аддзела старажытнабеларускага мастацтва Нацыянальнага мастацкага музея Рэспублікі Беларусь, і іншыя.

 З прывітальнымі словамі да прысутных звярнуліся дырэктар музея імя П. І. Баграціеёа Вольга Суета і загадчык кафедры гісторыі Беларусі, археалогіі і спецыяльных гістарычных дысцыплін ГрДУ імя Янкі Купалы Сяргей Амелька. Яны павіншавалі ўсіх са святам “Дажынак”, якое сёння прымае Ваўкавыск, і пажадалі навукоўцам плённай працы.

Канферэнцыя праходзіць па дзвюх секцыях, на пасяджэннях якіх будуць заслуханы шматлікія даклады. Кожны з іх тычыцца археалагічных даследаванняў на тэрыторыях Ваўкавыскага краю.