Дыстанцыйна ў чытаннях удзельнічаў Шахцінскі педагагічны каледж (Расійская Федэрацыя), з якім на працягу чатырох гадоў наша ўстанова адукацыі рэалізуе інавацыйны адукацыйны праект. Гасцямі мерапрыемства сталі выпускнікі нашай альма матар, якія сёння з’яўляюцца педагогамі высокага ўзроўню.

Удзельнікі чытанняў прадставілі работы, у якіх узнімаліся пытанні выкарыстання сучасных інтэрактыўных, здароўезберагальных, развіццёвых, інфармацыйна-камунікацыйных тэхналогій, тэхналогіі візуалізацыі, інклюзіі ў адукацыі на розных ступенях навучання.

 Неабходна адзначыць, што многія канкурсанты сёлетніх чытанняў неаднаразова дасылаюць свае работы на навуковыя мерапрыемствы ў наш каледж. Таму ў нас складваецца сталая традыцыя навукова-метадычнага супрацоўніцтва з разнастайнымі ўстановамі адукацыі нашай краіны і Расійскай Федэрацыі. Відавочна, што педагагічныя чытанні пацвердзілі сваю ролю як мерапрыемства, якое не толькі яднае педагогаў-даследчыкаў, але і робіць іх сябрамі ў педагагічнай прафесіі і ў жыцці.

Надзея ЛАЗАРЧЫК, метадыст Ваўкавыскага каледжа.