“Наша школа…”. Колькі сённяшніх хлопчыкаў і дзяўчынак, колькі пакаленняў дарослых людзей, колькі настаўнікаў і бацькоў могуць з гонарам сказаць гэтыя словы пра нашу Шылавіцкую школу!

Для кагосьці гэта сённяшні дзень з яго падзеямі, клопатамі і дасягненнямі, для іншых — гады дзяцінства і юнацтва, якія немагчыма забыць.

У 2023 годзе Шылавіцкая сярэдняя школа святкуе сваё 70-годдзе. Менавіта сярэдняя! Таму што, калі гаварыць пра існаванне школы ў Шылавічах, то напэўна — гэта адна са старэйшых навучальных устаноў у Ваўкавыскім раёне.