Волковысская газета «Наш час», новости Волковыска

Культура

Праз год усе шляхі будуць весці ў Слонім

Праз год усе шляхі будуць весці ў Слонім
10 Сентября
2018 г. Понедельник

Сёлета беларускае пісьменства сустрэла падвойны юбілей. Па-першае, 2018 год праходзіць пад знакам 400-годдзя беларускага “Буквара”. А па-другое — дзень, прысвечаны пісьмовым сродкам зносін людзей, наша краіна адзначыла ўжо ў 25-ты раз.

Упершыню, у 1994 годзе, гэты асаблівы дзень праводзіўся ў старажытным Полацку, на радзіме першадрукара Францыска Скарыны — нашай нацыянальнай гордасці. Затым святочныя мерапрыемствы адбываліся ў іншых мясцінах, такіх, як Тураў, Навагрудак, Несвіж, Орша, Пінск, двойчы ў Заслаўлі, Мсціслаўль, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глубокае, Быхаў, Щучын, Рагачоў, яшчэ раз Полацк і ўрэшце сёлетняя сталіца свята Іванава. Кожны з гэтых беларускіх гарадоў і невялікіх гарадкоў мае ўласную гісторыю і духоўную спадчыну, якія даюць ім усе падставы, каб уваходзіць у лік культурных цэнтраў краіны. Мае такое права і Слонім, вызначаны месцам правядзення Дня беларускага пісьменства-2019. И таму што гэта адзін з самых старажытных гарадоў Беларусі, і таму што ён мае багатую гісторыю, традыцыі кнігадрукавання і асветніцтва, што асабліва падкрэсліў міністр інфармацыі Аляксандр Карлюкевіч на ўрачыстай цырымоніі перадачы эстафеты ад Іванава Слоніму. Ужо ў XVIII стагоддзі там працавала друкарня, якая належала да Міхаіла Казіміра Агінскага, віленскага ваяводы і вялікага гетмана літоўскага.
Старшыня Слонімскага райвыканкама, прымаючы сімвалічную эстафету — драўляную кнігу-шкатулку з гербамі ўсіх сталіц Дня беларускага пісьменства — абяцаў, што да свята горад зменіцца:
— Рэспубліканскае свята заўсёды ганарова прымаць. Кожны рэгіён, кожны горад прыносіць свае нейкія асаблівасці. Я мяркую, што будзе гэта і ў нас. У нас будуць тры пляцоўкі. Пастараемся добраўпарадкаваць цэнтральную частку горада. Вядома, у планах зрабіць набярэжную канала Агінскага. Пастараемся ўвасобіць усё гэта да Дня пісьменства, духоўнасці, усё гэта аб'яднаць.
Гэта толькі здаецца, што год умяшчае вялікі запас часу. На самой справе не паспеем азірнуцца, як зноў прыйдзе той дзень, калі мы ўжо ў дваццаць шосты раз адзначым адно з галоўных святаў нацыянальнай культуры і духоўнасці беларусаў. Зноў атрымаем магчымасць сустрэцца з паэтамі, пісьменнікамі і выдаўцамі, пагартаць кніжныя навінкі, паслухаць выступленні творчых калектываў, даведацца, што адбываецца ў галіне літаратуры і мастацтва ў нашай краіне і ў суседзяў за мяжой. Дарэчы, на пляцоўках Іванава выступілі і нашы вядомыя землякі — члены Саюза пісьменнікаў Беларусі Віктар Курловіч і Георгій Кісялёў. Спадзяемся, што ў Слоніме жыхары горада і госці наступнага свята таксама змогуць пазнаёміцца з творчасцю ваўкавыскіх літаратараў. Талентаў у нас хапае.

Оцените материал
(Голосов: 0)
Количество просмотров: 1568
Теги

Добавить комментарий


Защитный код
Обновить

«Прямая телефонная линия»

Гродненская региональная таможня проводит отбор кандидатов на службу в таможенные органы. По вопросам отбора кандидатов в Волковысском райисполкоме (каб. 101) 23 октября с 11.00 до 14.00 состоится прием граждан начальником таможенного поста «Волковыск» Владимиром Анатольевичем Зинкевичем.


23 октября «прямую телефонную линию» с 11.00 до 13.00 проведет начальник Волковысского районного отдела Следственного комитета Республики Беларусь Максим Вячеславович Гаркавый по вопросам, относящимся к компетенции Следственного комитета. Вопросы можно задать по тел. 75-1-40, 4-32-93.

Новые комментарии

Хорошие кадры - крепкое хозяйство. Было, есть и будет - "кадры решают все"!
Здоровья старикам и их родным
Светлая память этому человеку. Я учился в 14-15 в санатории где он был в руководстве. О нем остались ...
Для пожилых людей - это событие! Спасибо Станиславу и Зое Жук за праздник, который сделал наших ...