Удзельнікамі акцыі могуць быць усе жыхары горада Гродна і Гродзенскай вобласці, хто цікавіцца паэтычнай творчасцю і каму блізкая пазначаная тэма. Арганізатары просяць не забываць аб тым, што творы павінны быць дастаткова высокага мастацкага ўзроўню, таксама як іх чытанне на відэа. Калі эпідэміялагічная сітуацыя па Гродзенскай вобласці істотна зменіцца да лепшага, у абласным аддзяленні Саюза пісьменнікаў будзе праведзена прэзентацыя дасланых відэаролікаў, а іх аўтары атрымаюць падзячныя лісты Саюза пісьменнікаў Беларусі. Пасля абласной прэзентацыі відэа будуць публікавацца на сайце www.pisateli.by і ў сацыяльных сетках.