Напярэдадні дня нараджэння паэта ў Шылавіцкай сельскай бібліятэцы для школьнікаў была праведзена літаратурная гадзіна “Талент літаратурнага слова”, на якой юныя чытачы пазнаёміліся з невядомымі старонкамі жыццёвага шляху песняра і прынялі ўдзел у віктарыне па яго творчасці.

У філіяле “Гарадская дзіцячая бібліятэка” прайшла гадзіна лірычнага чытання “Любімыя коласаўскія радкі”. Бібліятэкары пазнаёмілі вучняў з жыццём і творчым шляхам паэта, з творамі, напісанымі для дзяцей. А ў Роскай гарадской пасялковай бібліятэцы прайшла інфармацыйная гадзіна “Летапісец свайго народа”, падчас якой яе ўдзельнікі здзейснілі відэападарожжа ў музей-сядзібу “Акінчыцы”, дзе нарадзіўся пісьменнік.

Вольга Шалястовіч,

метадыст аддзела маркетынгу

 і сацыякультурнай дзейнасці

 Ваўкавыскай раённай бібліятэкі.