Артысты з Рупейкаўскага Дома культуры наведалі жыхароў аг. Рупейкі і в. Камяніца, з Гнезнаўскага пабывалі ў Галынцы, калядоўшчыкі з Вярэйкаўскага, Ендрыхаўскага і Мацвееўскага Дамоў культуры наведалі аднавяскоўцаў. Каза і Мядзведзь, Цыган з Канём і іншыя калядныя персанажы завіталі ў кожную хату, прынеслі з сабой Калядную зорку з пажаданнямі дабрабыту, здароўя і міру. А гаспадары, па традыцыі, дзякавалі за віншаванні, шчодра адорваючы гасцей рознымі прысмакамі.