Традыцыйна на пачатку новага года цэнтр падводзіць вынікі года мінулага і арганізуе вялікую справаздачную выставу работ майстроў цэнтра і іх вучняў. Увесь год дарослыя і дзеці старанна рыхтуюцца да яе, каб паказаць, чаму яны навучыліся за гэты час. Сёлета выстава атрымалася асабліва разнастайнай: вырабы з гліны, вышытыя ў розных тэхніках пано і карціны, абрусы і сурвэткі, мастацкі роспіс і вязанне і іншыя работы дэманструюць высокі ўзровень майстэрства іх аўтараў. На адкрыцці выставы самыя старанныя і творчыя гурткоўцы былі ўрачыста ўзнагароджаны дыпломамі, граматамі і падзячнымі пісьмамі. А потым усіх чакаў салодкі стол і забаўляльная праграма.