Работнікі бібліятэкі запрасілі чацвёртакласнікаў СШ № 4 на этнагадзіну, падчас якой расказалі пра багатую культурную і духоўную спадчыну нашай краіны, пра традыцыйныя рамёствы, такія, як саломапляценне і разьба па дрэве, лозапляценне і ганчарства. Дзецям цікава было даведацца, як раней беларусы святкавалі найбольш значныя святы — Каляды і Масленіцу, Купалле і Дажынкі. У канцы мерапрыемства дзеці пазнаёміліся з кнігамі з серыі “Энцыклапедыя народнага майстра” і разгледзелі вырабы, прадстаўленыя на выставе “З крыніц адвечнай прыгажосці”.