У многіх населеных пункатх раёна прайшлі абрады валокання, якія згодна за народнымі традыцыямі падрыхтавалі і правялі работнікі філіялаў Ваўкавыскага раённага Цэнтра культуры і ўдзельнікі аматарскіх аб’яднанняў. Валачобнікі з песнямі прайшлі па сельскіх вуліцах, спыняючыся каля кожнага дома, жадалі гаспадарам здароўя, шчасця і багатага ўраджаю на будучы год. Дарослыя і дзеці с задавальненнем гулялі ў велікодныя гульні, спявалі песні і дзякавалі гасцям, шчодра адорваючы іх фарбаванымі яйкамі, цукеркамі, каўбасамі і іншымі прысмакамі.