Свае работы прадставіла таксама майстар народных рамёстваў Ваўкавыскага Дома рамёстваў Жанна Абрамчук. Жанна Здзіславаўна з’яўляецца кіраўніком клуба "Василек" і гуртка “Сувенірная цацка”. Сваёй галоўнай задачай яна лічыць папулярызацыю беларускай лялькі сярод шырокай грамадскасці, заахвочванне дзяцей і моладзі да заняткаў традыцыйнымі рамёствамі і далучэнне да нацыянальняй культуры. С 2024 года яна з’яўляецца членам Беларускага саюза майстроў народнай творчасці. Яна стварыла ўжо некалькі калекцый традыцыйных беларускіх лялек, якія адлюстроўваюць не толькі светапогляд нашых продкаў, але і асабісты погляд самой майстрыхі. Жанна выхоўвае пецярых дзяцей, і многія яе лялькі звязаны з вобразам жанчыны-маці, адлюстроўваюць вялікую ролю жанчыны ў сям’і і грамадстве.

На свяце Жанна Здзіславаўна прадставіла найбольш цікавыя свае работы, а таксама падзялілася сакрэтамі майстэрства. Пад час майстар-класа пад яе кіраўніцтвам усе жадаючыя сваімі рукамі змаглі стварыць традыцыйную ляльку-абярэг. За ўдзел у свяце Жанна Абрамчук адзначана дыпломам.