Падчас правядзення свята адбылося ўзнагароджанне пераможцаў абласной выставы–конкурсу дэкаратыўна–прыкладнога мастацтва “Велікодны падарунак”. Майстар народных мастацкіх рамёстваў Ваўкавыскага Дома рамёстваў Аксана Урублеўская атрымала дыплом II ступені ў намінацыі “Лепшая калекцыя сучасных велікодных яек”.

На святочнай сцэне кірмаша ўдзельнікі ўзорнага фальклорнага гурта “Чобаты” Ваўкавыскага раённага цэнтра культуры прадставілі канцэртную праграму «З Ваўкавыскага краю — з песняй да Вялікадня!». У выкананні гурта прагучалі традыцыйныя народныя песні, якія здаўна суправаджалі веснавыя святы на Ваўкавышчыне. Артысты падарылі гасцям сапраўдны святочны настрой, за што былі шчодра ўзнагароджаны апладысментамі.