21 лютага ва ўсім свеце з 2000 года адзначаецца дзень роднай мовы, мэтай якога з’яўляецца абарона моўнай і культурнай разнастайнасці. Сёння ў свеце існуе 5000 моў, і 2/3 з іх не маюць пісьменнасці. Менавіта мова — галоўнае адрозненне аднаго народа ад іншага. У школах раёна матчынай мове прысвечаны цэлы тыдзень. Мерапрыемствы запланаваны самыя розныя. У гімназіі № 1, напрыклад, пройдзе акцыя “Гавары са мной па-беларуску”, па аднаму дню будзе аддана беларускай этнаграфіі і беларускай кухні, навучэнцы 5—8 класаў паспрачаюцца у веданні мовы падчас правядзення алімпіяды.