Школьнікі пабывалі ва ўсіх аддзелах рэдакцыі, пазнаёміліся з іх супрацоўнікамі. Журналісты расказалі аб сваёй рабоце. Ад тэхнічных рэдактараў аддзела маркетынгу і рэкламы вучні даведаліся аб тым, як можна размясціць у газеце і на інтэрнэт-рэсурсах рэкламу, аб’яву, віншаванне, падзяку. А ў аддзеле камп’ютарнагы дызайну — як адбываецца вёрстка газеты. Васьмікласнікі прасачылі ўвесь шлях, які праходзіць газетны артыкул перад тым, як трапіць на старонкі газеты: падрыхтоўка, вычытка, карэктура, узгадненне, вёрстка. Цікавіліся школьнікі і ўстановамі адукацыі, якія рыхтуюць спецыялістаў для работы ў сродках масавай інфармацыі. На працягу экскурсіі абмяркоўваліся праблема інфармацыйнай гігіены, а таксама паняцце “інфармацыйнай вайны”.