У гэтым годзе конкурс атрымаў статус рэспубліканскага. У масштабным трохдзённым мерапрыемстве прымалі ўдзел салісты, ансамблі, хоры і аркестры, “узорныя” аматарскія калектывы мастацкай творчасці ўстаноў агульнай сярэдняй адукацыі з розных куткоў Беларусі.

У намінацыях “Інструментальная творчасць” і “Вакальная творчасць” удзельнікі фестывалю-конкурсу выконвалі музычны твор беларускага кампазітара, апрацоўкі беларускіх народных песень і танцаў, апрацоўкі на беларускія тэмы. Дыпломам лаўрэата I ступені адзначаны творчы нумар Кірыла Бежына (настаўнік І. У. Кунцэвіч), дуэт Кірыла Бежына і Валерыі Гасціловіч атрымаў дыплом лаўрэата II ступені (настаўнік Т. А. Голуб), Арцём Сільвеструк заваяваў дыплом лаўрэата II ступені (настаўнік І. І. Кухарчык), узорны харавы калектыў “Ветразь дзяцінства” — дыплом лаўрэата III ступені (кіраўнік Т. А. Голуб), Уладзіслаў Атока, Уладзімір Шыдлоўскі — дыпломы III ступені (настаўнік Т. І. Лапа).

Іна Краўчанка,

намеснік дырэктара па вучэбнай рабоце.