Яго ўдзельнікам прапануюць зазірнуць у сапраўдную беларускую хату, каб на свае вочы пабачыць, як жыла беларуская сям’я ў мінулым. І не толькі пабачыць, але і пагуляць у старажытныя беларускія гульні, паспрабаваць сябе ў народных промыслах, а таксама навучыццца танцаваць старадаўні побытавы танец «Кракавяк».

Таксама ў экспазіцыйнай зале можна пабачыць вялікую калекцыю саматканых паясоў і выставу макетаў «Беларускі быт», якая знаёміць з асаблівасцямі побыту ў розных населеных пунктах раёна. Гасцямі беларускай хаткі ўжо сталі школьнікі і навучэнцы каледжа. Наведаць музей і прыняць удзел у інтэрактыве можна да 5 снежня.

Фота: Ігара ВАРЧЫКА