У час мерапрыемства хлопчыкі і дзяўчынкі пазнаёміліся з гісторыяй яго ўзнікнікнення. Гаспадыня растлумачыла дзецям, адкуль пайшла назва свята, якія традыцыйныя абрадавыя дзеянні выконваліся сялянамі ў гэты дзень, прадэманстравала і сам “багач” — так у народзе называлі лубок з жытам, якое па жменьцы зносілі жыхары вёскі. У сярэдзіне лубка ўстаўлялася запаленая свечка, пасля ў суправаджэнні ўсіх жыхароў яго неслі па вёсцы, заклікаючы ў кожную хату дабрабыт і сямейны лад.

Выхаванцы падчас мерапрыемства традыцыйна размаўлялі па-беларуску. Хлопчыкі і дзяўчынкі актыўна ўдзельнічалі ў віктарыне, спявалі народныя песні, танцавалі, гулялі ў беларускія народныя гульні “Мышка”, “У мядзведзя ў бары”, разгадвалі загадкі.

Ад фальклорнага свята ўдзельнікі атрымалі мноства станоўчых эмоцый. Дзеці разам з выхавацелямі  падрыхтавалі восеньскія вырабы з ураджаю гэтага года “Каб вы былі багатыя, як гэтая восень!”.

 Напрыканцы свята гаспадары пачаставалі дзяцей смачнай булкай, і ўсе разам падзякавалі “залатой ніўцы, урадлівай зямельцы, цёпламу сонейку, яснаму небу, дажджавой вадзіцы”.

Тамара ПАНКЕВІЧ,

выхавацельніца дзіцячага дома.