Медалём “За адзнаку ў папярэджанні і ліквідацыі надзвычайных сітуацый” узнагароджаны электраманцёр па эксплуатацыі размеркавальных сетак Зэльвенскага раёна электрычных сетак філіяла “Ваўкавыскія электрычныя сеткі” Вячаслаў Віктаравіч Мядведнік. Медалём “За працоўныя заслугі” ўзнагаро­джаны трактарыст-машыніст раённага сельскагаспадарчага камунальнага ўнітарнага прадпрыемства “Ваўкавыскае” Вячаслаў Рычардавіч Міклаш, вадзіцель аўтамабіля на вывазцы лесу падраздзялення лесапункт “Замкавы” дзяржаўнай лесагаспадарчай установы “Ваўкавыскі лясгас” Аляксандр Францавіч Смолік і грузчык адкрытага акцыянернага таварыства “Ваўкавыскі мясакамбінат” Уладзімір Уладзіміравіч Ярашэвіч. А яшчэ адной нашай зямлячцы, старшыні Гродзенскага абласнога аддзялення грамадскага аб’яднання “Саюз пісьменнікаў Беларусі” Людміле Антонаўне Кебіч, прысвоена ганаровае званне “Заслужаны дзеяч культуры Рэспублікі Беларусь”. Віншуем з узнагародамі!