Нашы галоўныя дзяржаўныя сімвалы прайшлі доўгі шлях станаўлення, развіцця і зацвярджэння.

Воляй народа беларускія сцяг, герб і гімн сталі духоўнымі святынямі, якія аб’ядноўваюць нас у адну вялікую сям’ю, напаўняючы сэрцы гонарам за прыналежнасць да народа з багатай гісторыяй і слаўнымі традыцыямі, стваральнай сучаснасцю і амбіцыйнай будучыняй.

Шанаваць і паважаць дзяржаўныя сімвалы — гістарычны і грамадзянскі абавязак кожнага чалавека, які пражывае на беларускай зямлі.

У гэты знамянальны дзень шчыра жадаем усім міру, дабра і шчасця.

Няхай гэта свята яшчэ мацней згуртуе ўсіх нас, умацуе высокае пачуццё асабістай адказнасці за сваю краіну і гатоўнасці самааддана працаваць дзеля працвітання нашай роднай Беларусі.

Ваўкавыскі раённы выканаўчы камітэт          

Ваўкавыскі раённы Савет дэпутатаў