Прыміце самыя шчырыя і сардэчныя віншаванні з прафесійным святам — Днём працаўнікоў сельскай гаспадаркі і перапрацоўчай прамысловасці аграпрамысловага комплексу!

Дасягненні аграпрамысловага комплексу Ваўкавышчыны — гэта вынік паўсядзённай напружанай працы хлебаробаў і жывёлаводаў, кіраўнікоў і спецыялістаў сельскагаспадарчых прадпрыемстваў, работнікаў перапрацоўчай прамысловасці.

Паважаныя сябры! Прыміце шчырую ўдзячнасць за якасную працу на роднай зямлі, за правільнае разуменне задач, якія ставіць сёння перад намі дзяржава, за пастаянную гатоўнасць вырашаць іх з поўнай аддачай сіл.

Напярэдадні святочнага дня накіроўваем словы віншавання ўсім, хто шчыруе ў полі, на жывёлагадоўчых фермах, у цэхах прадпрыемстваў. А таксама выказваем падзяку ветэранам працы, якія з’яўляюцца прыкладам вернасці сваёй справе, адданасці Радзіме і свайму народу.

Дарагія працаўнікі сельскай гаспадаркі і перапрацоўчай прамысловасці аграпрамысловага комплексу! Няхай ваша нялёгкая праца акупіцца новымі дасягненнямі і прызнаннем удзячных землякоў. Жадаем вам здароўя, творчага ўздыму, натхнення ў ажыццяўленні сваіх мар і намераў.

Ваўкавыскі раённы выканаўчы камітэт    

Ваўкавыскі раённы Савет дэпутатаў