Фальклорныя калектывы з розных населеных пунктаў сабраліся ў Воўпе, каб падзяліцца сапраўднымі народнымі песнямі, якія яны з вялікай любоўю захоўваюць і выконваюць для сучаснікаў. Сваімі выступленнямі аматараў аўтэнтычнага мастацтва парадавалі фальклорны калектыў “Чараўніцы” Мацвееўскага Дома культуры, народны ансамбль народнай песні “Ярыца” з Мастоўскага раёна, фальклорны гурт Раднікоўскага сельскага клуба, а таксама жыхары аграгарадка. Пасля выступлення кожнага артыста гаспадыня свята Лявоніха адарыла салодкім сакавітым яблыкам со свайго чароўнага кошыка. Смачныя падарункі атрымалі і гледачы, якія актыўна ўдзельнічалі ў розных конкурсах і віктарынах.