Среда, 21 Октября 2020 16:00

«Шчодрай восені дары» сабралі ўсіх жыхароў аграгарадка Вярэйкі на пляцоўцы каля вадаёма

Такую назву атрымаў сёлета штогадовы восеньскі кірмаш, на якім, як звычайна, было што купіць і было што паглядзець.

Пачаўся ён з тэатралізаванага прадстаўлення з жартоўным аўкцыёнам. Артысты Вярэйкаўскага Дома культуры падрыхтавалі канцэрт і забаўляльную праграму. Цікава было назіраць, як гаспадыні навобмацак адгадвалі садавіну і гародніну, вымяралі адрэзы на сукенкі або з завязанымі вачыма зрэзвалі прызы з вяроўкі. Дарэчы, сельскагаспадарчую прадукцыю на кірмашы можна было не только набыць, але і выйграць. Напрыклад, за добрыя веды беларускіх прымавак або рэцэпт самай смачнай кашы.

Тыя, каму не пашанцавала ў гульні, не надта засмучаліся, бо і гародніна, і садавіна, і рыба, і саджанцы, і ласункі, і цацкі, якія прывезлі на продаж сельскагаспадарчае прадпрыемства РСКУП «Ваўкавыскае», прыватныя прадпрымальнікі з суседніх раёнаў і мясцовыя жыхары, на кірмашы былі прадстаўлены на любы густ і кашалёк.

Прочитано 271 раз Печать