Садавіна і гародніна, рыба і розныя ласункі, кухоннае начынне, хатні дэкор і цацкі — кожны пакупнік мог знайсці тавар па сваёй патрэбе і густу. А для тых, хто прыйшоў “на іншых паглядзець і сябе паказаць», работнікі культуры падрыхтавалі забаўляльную праграму з вясёлым аукцыёнам, віктарынамі і гульнямі, за ўдзел у якіх можна было атрымаць карысны прыз. Мясцовыя жыхары з вясёлым азартам адгадвалі навобмацак садавіну і гародніну, успаміналі беларускія прымаўкі, вымяралі адрэзы на сукенкі. Вясёлы настрой цудоўнымі песнямі падтрымлівалі артысты Вярэйкаўскага Дома культуры.