Конкурс праводзіцца адзін раз у два гады па сямі намінацыях: “Паэзія”, “Проза”, “Дзіцячая літаратура”, “Публіцыстыка і краязнаўства”, “Літаратуразнаўства і крытыка”, “Драматургія”, “Адкрыццё года”. Да ўдзелу дапускаюцца не апублікаваныя раней літаратурныя творы на дзяржаўных мовах Рэспублікі Беларусь. Майце на ўвазе: размяшчэнне літаратурных твораў або іх фрагментаў у сацыяльных сетках і глабальнай камп’ютарнай сетцы Інтэрнэт прыраўноўваецца да публікацыі.

Удзельнікам конкурсу можа быць кожны аўтар літаратурнага твора, які на дату падачы заяўкі на ўдзел у конкурсе дасягнуў 18-гадовага ўзросту і зарэгістраваны (фактычна пражывае) на тэрыторыі Гродзенскай вобласці.

Гродзенскае абласное аддзяленне Саюза пісьменнікаў Беларусі напамінае, што заяўкі на конкурс прымаюцца да 1 лютага 2024 г. Усе падрабязнасці — на сайце аддзялення.