Калектыў цэнтра разам з вучнямі ўшанавалі народнага майстра Рэспублікі Беларусь Яніну Іюльскую, якая ўносіць значны ўклад у захаванне і развіццё гэтага старажытнага рамяства. Яніна Вацлаваўна прадставіла сваю персанальную выставу тканых вырабаў і правяла майстар-клас па ткацтву пад назвай «Жывая нітка часоў». Таксама ў рамках мерапрыемства адбылася прэзентацыя відэафільма «Захаванне і пераемнасць ткацтва майстрамі Ваўкавышчыны», якая паказала, як, дзякуючы мясцовым умельцам, жывуць і развіваюцца народныя традыцыі.