Гурт, якім кіруе Надзея Талашка, з’яўляецца пастаянным удзельнікам мясцовых святаў і абрадаў, жаданым госцем на раённых мерапрыемствах. Неаднаразова запрашаўся з творчай праграмай на абласное і рэспубліканскае радыё і тэлебачанне. Менавіта гэты калектыў стаў непасрэднай крыніцай песеннага фальклору для спецыялістаў Беларускага дзяржаўнага інстытута культуры Беларусі пад час фальклорнай экспедыцыі па збору матэрыялаў для даведніка «Традыцыйная культура Панямоння».