У Міжнародны дзень роднай мовы вучні школы прынялі ўдзел у акцыі “Маё любімае слова”, змаглі выказаць свае пачуцці да беларускай мовы, народа, краіны. У гэты дзень адбылося ўрачыстае адкрыццё тыдня беларускай мовы і літаратуры.

На працягу тыдня прайшло шмат цікавых, яркіх, захапляючых мерапрыемстваў, у якіх прынялі ўдзел усе вучні школы і настаўнікі. Яны ахвотна далучыліся да напісання Рэспубліканскага дыктанта, які прапанавала НАН Беларусі. Вучні малодшых класаў глядзелі мультфільмы на роднай мове, гулялі ў беларускія гульні, падарожнічалі па чароўнай краіне Роднай мовы. У старэйшых класах таксама прайшло шмат разнапланавых мерапрыемстваў, дзе вучні змаглі праверыць свае веды, паказаць інтэлектуальныя здольнасці, кемлівасць і знаходлівасць.

Кіраўнік школьнага народнага гісторыка-краязнаўчага музея Валянціна Слуцкая гасцінна сустракала наведвальнікаў і праводзіла тэматычныя экскурсіі «Абярэг маёй сям’і», «Ведай нашых» і іншыя.

Напрыканцы тыдня былі падведзены вынікі, уручаны ўзнагароды тым, хто найлепш ведае родную мову.

Год гістарычнай памяці асаблівае значэнне надае роднай мове як нацыянальнай каштоўнасці беларускага народа.

Алена Польцына,
настаўнік беларускай мовы і літаратуры.