“Найлепшы ў прафесіі” - Новости Волковыска и района, газета "Наш час"

Электронная подписка на газету Наш час

Четверг, 03 Апреля 2025 16:45

“Найлепшы ў прафесіі”

Конкурс прафесійнага майстэрства “Найлепшы ў прафесіі” праходзіць у Ваўкавыскім каледжы на працягу 10 год.

Ён мае на мэце раскрываць творчы патэнцыял будучых маладых спецыялістаў, умацоўваць матывацыю да вучэбнай і будучай прафесійнай дзейнасці, папулярызаваць спецыяльнасці каледжа. Яго ўдзельнікамі з’яўляюцца навучэнцы выпускных курсаў каледжа, якія дэманструюць свае прафесійныя якасці на разнастайных этапах конкурсу.

Сёлета прадстаўнікі ўсіх сямі спецыяльнасцей пісалі эсэ на тэму “Мая прафесія — прафесія будучага”, дзе паказалі валоданне прафесійнай тэрміналогіяй, якасную літаратурную мову, арыгінальнасць і аўтарскі стыль.

На другім этапе канкурсанты спецыяльнасцей “Пачатковая адукацыя”, “Замежная мова”, “Абслуговая праца і выяўленчае мастацтва” праводзілі адкрытыя ўрокі ва ўстановах адукацыі Ваўкавыска. Навучэнцы спецыяльнасцей “Дашкольная адукацыя” і “Дызайн (графічны)” паказвалі сваё педагагічнае майстэрства на адкрытых занятках. Адкрытае мерапрыемства арганізавала прадстаўніца спецыяльнасці “Педагагічнае суправаджэнне”. Навучэнка спецыяльнасці “Турызм і гасціннасць” праводзіла экскурсію.

Па словах арганізатара конкурсу, намесніка дырэктара па вытворчым навучанні Вольгі Пятроўны Таратуты, крытэрыі да гэтага этапа распрацоўваліся на ўмовах актуальнасці для кожнага мерапрыемства: улічвалася выкананне патрабаванняў да методыкі арганізацыі і правядзення, прымяненне сучаных і інавацыйных прыёмаў і формаў работы, рэалізацыя выхаваўчага патэнцыялу, педагагічная этыка і мабільнасць і інш.

Трэці фінальны этап — візітоўка PROFSTORIES “Не проста яшчэ адзін ...” — сабраў у актавай зале каледжа навучэнцаў каледжа ў якасці гледачоў і даў магчымасць удзельнікам у форме творчай імправізацыі прадставіць асабістыя і прафесійныя якасці. Удзельнікі з натхненнем паказалі, што яны не проста настаўнікі, выхавальнікі, дырайнеры і турагенты. Усе яны — асобы, яркія, цікавыя, творчыя, неардынарныя, таленавітыя.

Наталля Шалік, навучэнка спецыяльнасці “Педагагічнае суправаджэнне” (дарэчы, гэта спецыяльнасць у каледжы найноўшая, 2025 годзе будзе толькі першы выпуск), арыгінальна параўнала сваю будучую прафесію з нотнай граматай. Аксана Гарасімчук, будучы турагент-экскурсавод, прадэманстравала фрагмент экскурсіі і парадавала гледачоў вершам на нямецкай мове. Данііл Сцепанец, будучы настаўнік абслуговай працы і выяўленчага мастацтва, наладзіў сапраўдную майстэрню па вытворчасці прадметаў дэкаратыўна-прыкладного мастацтва. Юлія Козел, будучы настаўнік англійскай мовы, паказала выдатнае веданне гэтай мовы і сваё аратарскае майстэрства. Будучы дызайнер і настаўнік мастацтва Дар’я Садаўнічэнка здзівіла сваім уменнем ствараць прадметы мастацтва ў лічаныя хвіліны. Анастасія Алізаровіч, будучы выхавальнік дзіцячага сада, арганізавала на сцэне сапраўднае шоу, прасякнутае моцным патрыятычным пафасам.

Пераможцай конкурсу стала Анастасія Севярын, якая хутка будзе працаваць настаўнікам пачатковых класаў. Яна, узнімаючыся па імправізаванай лесвіцы поспеху, правяла сапраўдны майстар-клас, насычаны яскравым прафесійным майстэрствам і выхаваўчым патэнцыялам. Анастасія адзначыла, што конкурс — адзін з крокаў да прафесійнага будучага:

— Удзел у конкурсе даў мне карысны вопыт, упэўненасць, магчымасць раскрыць сябе. Мой дэвіз: “Імкніцеся да Месяца. Нават калі туды не трапіце, апынецеся сярод зорак”. Сёння я, калі не дасягнула Месяца, то была сярод сапраўдных “зорак”, і стала сярод іх самай яркай.

Конкурс пакінуў у гледачоў, удзельнікаў і журы самыя пазітыўныя ўражанні. Галіна Сяргееўна Зялік, дырэктар Ваўкавыскага каледжа, падзякавала ўсім канкурсантам, падкрэсліла, што яны сапраўды раскрылі свае таленты:

— Сёння вы ўжо сапраўдныя дарослыя спецыялісты, і мы, педагогі з вопытам, бяром сабе ў скарбонку вашы цікавыя прафесійныя знаходкі. Вы ўсе розныя, але прыемна, што вас яднае любоў да каледжа і прафесіі.

изображение_viber_2025-04-03_16-43-09-995

изображение_viber_2025-04-03_16-43-10-339

изображение_viber_2025-04-03_16-43-10-982

изображение_viber_2025-04-03_16-43-11-489

изображение_viber_2025-04-03_16-43-11-812

изображение_viber_2025-04-03_16-43-12-159

изображение_viber_2025-04-03_16-43-12-508

Надзея Лазарчык, метадыст.

Оперативные и актуальные новости Волковыска и района в нашем Telegram-канале. Подписывайтесь по ссылке!


Правила использования материалов "Наш час" читайте здесь.

Прочитано 314 раз Печать