Вось ужо 4 гады ў аграсядзібе Альхова паспяхова адзначаюць Купалле: з гульнямі, танцамі, старажытнымі абрадамі. Адбылося такое свята і сёлета. Удзел у святкаванні прымалі жыхары Альхова, а таксама госці з суседніх вёсак. Асаблівы каларыт стваралі абрадавыя песні ў выкананні музычных калектываў з Рэплі, Вярэек і Росі. Не абыйшлося і без пляцення вянкоў, як аднаго з атрыбутаў Купалля. На пляцоўцы працавалі гандлёвыя кропкі і дзіцячыя атракцыёны.

У канцы вечара запалілі касцёр, як сімвал ачышчэння ад хвароб, злосці і ўсяго лішняга.

Ульяна БУТРЫМ.