Да юбілею “Нашага часу”

Гады ляцяць, як лісце з дрэва…

Не будуць словы адкрыццём,

Хоць перашкоды справа, злева…

Прайшлі складанае жыццё.

Газета — лідар наш па праву,

Бо вы патрэбны для людзей.

Да кожнай дробязі ёсць справа,

Жыццё святлей і саладзей.

Літаратурная старонка —

Радок паэта не астыў.

Тут чытачу заўжды скарбонка,

Вы — аднадумцаў калектыў.

Да пажаданняў юбілея

Тут далучаюся і я.

Тут пратаптаная калея,

Раёна слаўная сям’я.

Наперад, “Наш час”, табе зычу плёну!

Чытацкае “дзякуй” са шчырым паклонам.