З нецярплівасцю яе чакаем,

Штораз з ахвотаю чытаем.

Сябрам, знаёмым на яе старонках рады,

Знаходзім і навіны, і падзеі, і парады.

Пра горад, раён і пра кожнага з нас

Раскажа ўсю праўду газета “Наш час”.

Дзякуем сябровачцы штодзённай —

Нашай газеце раённай!

Асабіста я сябрую з газетай ужо больш за 50 гадоў. Ганаруся, што сяброўства гэтае плённае. Маю ад “раёнкі” і Ганаровую грамату як пазаштатны яе карэспандэнт, і дыплом за ўдзел у конкурсе, і асабістую падзяку за шматгадовае супрацоўніцтва.

Раённай газеце “Наш час” жадаю дружнага калектыву, павагі ад чытачоў, вялікай арміі падпісчыкаў, лёгкага і вострага пяра ўсім членам рэдакцыі. Ведайце, Дзмітрый Мікалаевіч і калектыў “Нашага часу”, вы патрэбны людзям. Няхай Бог дае вам сілы, здароўя без лекаў, міру, дабра і доўгага веку.