Да жыхароў і гасцей горада звярнуўся член Савета Рэспублікі Нацыянальнага сходу Рэспублікі Беларусь, старшыня Ваўкавыскага раённага выканаўчага камітэта Дзмітрый Захарчук:

— Паважаныя жыхары і госці Ваўкавыскага раёна, ветэраны і абаронцы Айчыны! Сардэчна віншую вас з Днём Незалежнасці Рэспублікі Беларусь. Трэцяе ліпеня для ўсяго беларускага народа з’яўляецца сімвалам нацыянальнага гонару і памяці. Гэта вялікае свята нагадвае нам пра каштоўнасць кожнай хвіліны мірнага жыцця, пра вялікі подзвіг беларускага народа, пра яго стойкасць, адзінства і імкненне да свабоды. Мы схіляем галаву перад памяццю загінуўшых у гады Вялікай Айчыннай вайны і аддаем даніну павагі нашым ветэранам, якія з’яўляюцца прыкладам мужнасці, гераізму і любові да роднай зямлі. Нізкі вам паклон, дарагія ветэраны! Няхай ваш подзвіг служэння Радзіме заўжды з’яўляецца прыкладам для маладога пакалення беларусаў. Дзень Незалежнасці, сімвалізуючы нязломнасць і адзінства духу беларускага народа, нагадвае пра векавую гісторыю нашай дзяржавы, багацце яе самабытнай гісторыі і духоўных традыцый, пра гераізм і адданасць нашых айцоў, дзедаў і прадзедаў. Усіх, хто любіць Радзіму, аб’ядноўвае адказнасць за яе сучаснасць і будучыню, гонар за краіну, жаданне працаваць дзеля яе працвітання, любоў да сваёй зямлі, родных і блізкіх. Сёння ад ініцыятывы і грамадзянскай адказнасці кожнага з нас залежаць сучаснасць і будучыня нашай дзяржавы. Мы павінны захаваць і перадаць нашчадкам незалежны, суверэнны, бяспечны і квітнеючы край. Няхай над нашай краінай заўжды будзе мірнае неба, а ў кожным доме — згода, дабрабыт і шчасце. Ад усёй душы жадаю моцнага здароўя, міру, шчасця, дабрабыту, невычэрпнай энергіі. Няхай гэты дзень прынясе нам пачуццё гонару за родную краіну, надасць сіл і ўмацуе нашу стваральную працу на карысць любімай Рэспублікі Беларусь! — адзначыў старшыня райвыканкама. Прагучалі таксама віншаванні са святам ад гасцей Ваўкавыска — прадстаўнікоў гарадоў-партнёраў з Расіі.