Сучаснаму настаўніку неабходна выкарыстоўваць рэзультатыўныя метады і формы работы з навучэнцамі, каб выхаваць сапраўдных патрыётаў сваёй Радзімы.
Менавіта таму было вырашана правесці гэтае пасяджэнне. Адбылося яно ў сярэдняй школе аграгарадка Юбілейны.
Прадстаўнікі метадычнага аб’яднання разгледзелі пытанні сістэмы грамадзянска-патрыятычнага выхавання, выхаваўчыя тэхналогіі па фарміраванні ў навучэнцаў актыўнай грамадзянскай пазіцыі, эфектыўныя формы работы па фарміраванню грамадзянскай і патрыятычнай свядомасці навучэнцаў, выкарыстанне магчымасцей дзіцячых грамадскіх аб’яднанняў па грамадзянскаму і патрыятычнаму выхаванню навучэнцаў на I ступені агульнай сярэдняй адукацыі.
Самыя актыўныя навучэнцы класаў таксама прэзентавалі ўсім прысутным свае класныя дзіцячыя ініцыятывы. Так, на базе першага класа будзе рэалізавана дзіцячая ініцыятыва “Сямейныя каштоўнасці даражэй за ўсё”, на базе другога класа — “Беражы сваё здароўе”, на базе трэцяга класа — “У свеце прафесій”, на базе чацвёртага — “Мы — грамадзяне, мы — патрыёты”.
Напрыканцы пасяджэння было вырашана выкарыстаць атрыманыя веды пры правядзенні класных і інфармацыйных гадзін у класных калектывах.
Алена БАГДАНОВІЧ, кіраўнік метадычнага аб’яднання настаўнікаў
Оперативные и актуальные новости Волковыска и района в нашем Telegram-канале. Подписывайтесь по ссылке!
Правила использования материалов "Наш час" читайте здесь.