Напярэдадні Дня ўсенароднай памяці і смутку літаратары з Гродна і Гродзенскай вобласці сабраліся на Кургане Славы ў горадзе над Нёманам, каб пакланіцца загінуўшым воінам-вызваліцелям і выказаць падзяку за мірнае неба над нашай Радзімай. Як паведамляе прэс-служба СПБ-Гродна, нягледзячы на 30-градусную спякоту, ўдзел у грамадска-літаратурнай акцыі прынялі прадстаўнікі розных пакаленняў — дзеці вайны, ветэраны працы і літаратурнага руху, дзеці і ўнукі ветэранаў вайны.