Выцінанка — ажурны ўзор, выразаны з белай, чорнай або каляровай паперы. Гэты від дэкаратыўна-прыкладнога мастацтва зарадзіўся ў сельскіх дамах, як даступны спосаб упрыгожыць свой дом. З дапамогай нажніц для стрыжкі авечак жанчыны выразалі з паперы ўпрыгожванні для “чырвонага кута”, сурвэткі на стальніцы, “фіранкі” для вокнаў, навясных паліц, шафаў і г. д.

Член Саюза майстроў Беларусі Марына Дубовік ужо не адзін год адраджае выцінанку ў тым традыцыйным выглядзе, у якім яна існавала на Ваўкавышчыне. У сваіх працах яна выкарыстоўвае выразанне з люстраной воссю сіметрыі, калі ўзор паўтараецца злева і справа. На яе аснове будуюцца выявы “дрэва жыцця”, птушак і раслін, характэрныя для нашай мясцовасці.

Ад яе работ адрозніваюцца выцінанкі жыхаркі г. Масты Алены Садаўнічай, яна выкарыстоўвае тэхніку складвання і прарэзвання. Для ее твораў характэрна шматколернасць, дзе ў асноўны цёмны малюнак уключаюцца каляровыя элементы.

Майстры лічаць, што папулярызацыя народнай творчасці мае вялікае значэнне для развіцця патрыятызму беларусаў і імкнуцца прыцягнуць да яе як мага больш людзей. Зусім хутка настане час, калі ўсе мы ўспомнім гэта традыцыйнае мастацтва, упрыгожваючы вокны сваіх дамоў ажурнымі сняжынкамі з паперы. А пакуль што можна бліжэй пазнаёміцца з ім і з неверагоднымі працамі майстроў на выставе, якая будзе адчынена да 14 снежня падчас працы центра.